បង្កើតឡើងនៅក្នុងឆ្នាំ ២០០៧ នៅសាលាបច្ចេកទេស ដុនបូស្កូក្រុងព្រះសិហនុ ដែលជាជំនាន់ទី១ ។ រហូតមកដល់ ចុងឆ្នាំ២០១១ មជ្ឈមណ្ឌបណ្តុះបណ្តាលវិជ្ជាជីវៈ ដុនបូស្កូខេត្តកែប បានបង្កើតផ្នែកទំនាក់ទំនងសង្គម និង សារព័ត៌មាននេះ បន្ថែមទៀត ដែលមានសិស្ស១៩ នាក់ ជាជំនាន់ទី១ ។ ក្នុងឆ្នាំ ២០១២ នេះ មានសិស្សចំនួន ១៩ នាក់ទៀតដែលជាសិស្សជំនាន់ទី ២ នៅក្នុងសាលានេះ ។
ផ្នែកសណ្ឋាគារ ត្រូវបានបែងចែកជា២គឺ ផ្នែកការិយាល័យជួរមុខ និង ផ្នែកគេហកិច្ច ដែលបានបង្កើតឡើងនៅសាលាដុនបូស្កូកែប នៅឆ្នាំ២០១១ ជាជំនាន់ទី១ មានសិស្សចំនួន ១៩នាក់ (ស្រី១២នាក់ ប្រុស៧នាក់)។ ក្នុងនោះផ្នែកការិយាល័យជួរមុខមាន ១២នាក់ (ស្រី៥នាក់ ប្រុស៧នាក់) និង ផ្នែកគេហកិច្ចមាន ៧នាក់ (ស្រី៧នាក់) ។ នៅក្នុងជំនាន់ទី២ នេះមានសិស្សថ្មីចំនួន ១៣នាក់ (ប្រុស៥នាក់ ស្រី៨នាក់) ៕
ជំនាន់ទី១ នៃផ្នែកអគ្គីសនី នៅក្នុងមជ្ឈមណ្ឌលបណ្តុះបណ្តាលវិជ្ជាជីវៈ ដុនបូស្កូខេត្តកែប បានបង្កើតឡើងនៅក្នុង ឆ្នាំ២០១២ ដែលមានសិស្សចំនួន១២ នាក់ និង មានលោកគ្រូ ផ្នែកអគ្គីសនី ចំនួន ២ នាក់ ជាជំហានដំបូង នៅក្នុងសាលានេះ ។
នៅក្នុងឆ្នាំសិក្សាបន្តបន្ទាប់ទៀត សាលានឹងបន្តដំណើរការផ្នែកអគ្គីសនី នៅជំនាន់ ក្រោយៗទៀត ដែលអាចនឹងជ្រើសរើស សិស្សស្រីដើម្បីសិក្សាផ្នែកអគ្គីសនីនេះ ផងដែរ ។
សាលាដុនបូស្កូបានបង្កើតឡើង នៅលើទឹកដីខេត្តកែប នៅក្នុងឆ្នាំ ២០០២ ដោយសារមូលនិធិដុនបូស្កូកម្ពុជា និង បានធ្វើការបណ្តុះបណ្តាលជំនាញ ដល់យុវនារីមួយចំនូននៅក្នុង ខេត្តកែប និង ខេត្តដែលនៅជុំវិញ ក្នុងជំនាញកាត់ដេរ រហូតដល់ឆ្នាំ ២០១១ ។
មកដល់ឆ្នាំ២០១១ អធិការសាលាដុនបូស្គូ បានយល់ឃើញថា ចំនួនសិស្សជាង ៤០% ដែលបានទៅចុះឈ្មោះប្រឡង ចូលរៀននៅក្នុង សាលាដុនបូស្គូក្រុងព្រះសីហនុ គឺជាយុវជនដែលមកពី តំបន់ដែលនៅជុំវិញខេត្តកែប , ដូច្នេះទើប សាលាដុនបូស្កូកែប បានបង្កើតផ្នែក៣ បន្ថែមទៀតគឺ ផ្នែគទំនាក់ទំនងសង្គមនិងសារព័ត៌មាន , ផ្នែកការិយាល័យជួរមុខ និង ផ្នែកគេហកិច្ច ដើម្បីផ្តល់ភាពងាយស្រួល ដល់យុវជនក្រីក្រដែលនៅក្នុងតំបន់នេះ នៅក្នុងការធ្វើការបន្តការសិក្សា នៅក្នុងសាលាដុនបូស្កូ ។ នៅក្នុងឆ្នាំ២០១១ សាលាដុនបូស្កូខេត្តកែបបានទទួលយុវជនក្រីក្រអោយចូលរៀន ចំនូន៤០នាក់ ដែលជាសិស្សជំនាន់ទីមួយក្នុងសាលាដុនបូស្កូកែប ។
មកដល់ឆ្នាំ ២០១២នេះ សាលាបានបង្កើតផ្នែកថ្មី២ទៀតគឺ ផ្នែកអគ្គីសនី និង ផ្នែកពិសេសកុំព្យូទ័រអង់គ្លេស ដែលនៅពេលនេះ មានសិស្សប្រមាណច្រើនជាង ១០០នាក់ ដែលជាសមាជិកថ្មីនៃជំនាន់ទី២ នៃសាលាដុនបូស្គូកែប ។
នៅក្នុងឆ្នាំសិក្សា ២០១៣ ខាងមុខនេះ សាលានឹងបន្ថែមផ្នែកថ្មីបន្ថែមទៀតគឺ ផ្នែកលេខាធិការ និង ផ្នែកយន្តសាស្រ្តទូទៅ ដែលជាឱកាសសិក្សា ចំពោះយុវជនក្រីក្រ ទាំងឡាយដែលមានបំណងសិក្សានៅក្នុង សាលាដុនបូស្គូខេត្តគែប និង ជាឱកាសដ៏ល្អសម្រាប់បង្កើតនៅជំនាញផ្ទាល់ខ្លូនមួយយ៉ាងពិតប្រាកដ នៅក្នុងអនាគត ។
ដើម្បីក្លាយជាសិស្សនៃ សាលាដុនបូស្គូនានា ក៏ដូចជាសាលាដុនបូស្គូកែប យុវជនទាំងអស់ ត្រូវធ្វើការប្រឡង និង សម្ភាសន៍ នៅក្នុងសាលាដុនបូស្កូនីមួយៗដែលខ្លួនចង់សិក្សា និង ជាយុវជនក្រីក្រដែលគ្មានសមត្ថភាពបន្តការសិក្សានៅតាម សកលវិទ្យាល័យ ។
មជ្ឈមណ្ឌលបណ្តុះបណ្តាលវិជ្ជាជីវៈ
ដុនបូស្កូខេត្តកែប
ប្រអប់សំបុត្រលេខ ៩៨០១ , ផ្លូវជាតិលេខ ៣៣អា , ចម្ងាយ ប្រហែល ២ គីឡូម៉ែត ពីរូបសំណាក់សេះស , ភូមិថ្មី សង្កាត់ព្រៃធំ ក្រុងកែប ខេត្តកែប ,
(ទល់មុខនឹង មន្ទីអប់រំយុវជន និង កីឡាខេត្តកែប)៕
អ៊ីម៉ែល ៖ management@donboscokep.org
ទូរស័ព្ទ ៖ ០៩៧ ៩៦ ៧៥ ០៤២
ផ្នែកទំនាក់ទំនងសង្គម
និង សារព័ត៌មាន
ឆ្នាំទី ២ ជំនាន់ទី ១ នៃ
សាលាដុនបូស្កូកែប ។
និពន្ធទំព័រនេះឡើងជា ភាសាខ្មែរ ដើម្បីអោយ កូនខ្មែរទាំងអស់គ្នានិង ចូលរួមអភិវឌ្ឈន៍ ភាសាខ្មែរ នៅលើ ប្រព័ន្ធអ៊ីនធើណែត ។